Tilovo je svetak prvi četrtak pokle svetka Presvetog Trojstva. K maši se išlo h jedanajst vur i bilo je čudaj vernikof h cirkvi Blažene Djevice Marije od Pohoda. Pri maše je bila prošecija s cirkve čež Pijac na cistu prema školi i unda vuz Krulčevu hižu nazaj dol na Pijac i nazaj h cirkvu. Prvi je h prošeciji biu kriš teroga je nosiu dečec. Za jim su išli muški kaj su nosili Majku Božju,a za jimi su išle male pucice h bilim kikljicam ot pričesti i h rukam su nosile korbice pune latic tere su posipavale po putu. Župnik i domištranti su išli pot nebum. Prošecija se zastanovila pri sakoj postaji napravjenoj ot zelenoga kitja. Saka je imala stolek z raspelum i svičami. Pri sakoj se je molilo i čitalo Evanđelje. Unda se prošecija vrnila h cirkvu i počela je maša. Pokle maše su se si paščili domom na obit. Na Tilovo se ni smilo niš dilat i ni se smila dirat zemlja kaj je Tilovo zapovidani svetak i si smo se toga držali. Tak je bilo na Tilovo na Goricam pri četrdeset lit, a tak je i danas. Zapisala Tina Petrinšak, 7. b razred prema kazivanju bake Marije Zorko, rođ. Klokočar u Hrastini.