Danas na Čistu sredu al Pepelnicu osudili smo i zapalili mesopusta Krivića ki nan je kriv za se ča nan se loše dogodilo. Sprogodili smo ga kako rabi, plakali i narikovali aš maškar neće bit do drugoga leta. Običaji na Krasice su da mesovija finjiva na Čistu sredu kada se mesopust zapali. Saki mu je rekal za ča je kriv: za slabe ocjeni, za krastu na kolenu, za prehladu i koronavirus, za to ča ne pišemo zadaći. Uglavnon nebogi Krivić zgorel je a z njin su zgorele i naše brigi. (Krivića su storili učenici 4.razreda kako i nalaže red va našoj škole.)