Pišen ja, pišeš ti, pišemo si... i to po domaći.

To volimo i to nas veseli. Ljubav prema čakavskoj besede urodila je plodon va novoj zbirke čakavskeh radi "Čakavčići pul Ronjgi 27" kade je objavljeno i nagrađeno velo bogatstvo našega stvaralaštva na čakavštine.

Tako su školani, lanjski trećaši i četvrtaši (Asja, Chiara, Lovro, Ena, Marina, Kenan, Vigo, Eugen, Emanuel i Moreno) dobili grupnu nagradu za "Moje mesto". 

"Štajoni" je grupi rad va užen izboru, a napisali su ga lanjski četvrtaši: Ena, Chiara, Emanuel, Eugen i Moreno. Va užen izboren je i Chiarina pjesma „Nevera“ ka nan dočarava lipotu, ali i snagu mora pred neveru.

Va zbirke su svoje mesto dobile i pjesmi "Maškari" i "Moji pavići", Chiare Vukelić i "Proliće", Morena Uremovića.

Naši literarni radi su sako leto se bolji i bolji, a čakavski jezik se bogateji. Da bi lipje zgljedali, tu su se našli i crteži, a za nje su se pojidale školanki Chiara Vukelić, Marina Matec i Lara Rožić.

Vele čestitki našen školanin i njihoven učiteljican!