Če se obrnem po selu, svi kajkaju. Prejdem v Zelinu, i tam se čuje domača reč. V koje god toplice prejdem, opet kaj. Špancieram se po Varaždinu – i tam se čuje kaj. Čak i pravi purgeri govoriju kaj, a bome i dotepenci kak naš Bandić kaj sad kajka v Remetincu.

Kam god se obrnem, sigde kaj! Po tomu je pol Hrvatske moj zavičaj. Kad v letu prejdeme na more, i tam čujeme kaj, a tata odma veli: „Čuj ih, to su naši!“ Kad se vraćame dime, već v Lučkom pri naplatni kućici mama veli: „Doma sme!“ A još se vuru vremena trebame vojziti!

I meni je nekak dragi taj naš kraj: bregi, kleti, gorice, selski puti… I domaći ljudi! Pravi Prigorec je veliki težak, ali i veseljak. Na licu mu vidiš sto brig, na čelu stisnute bore, al navijek te bu pozdravil i pital za zdravlje. Naravno, nijesu si Prigorci seljaki. Med temi vriedni ljudi ima doktorov, vučitelov, sucov, političarov, sportašov, al najbitneše je da se ni jeden Prigorec ne bu posramil svojega poriekla.

Drage mi je kaj sem dijel toga komada prigorske zemlje i kaj sem se baš tu rodil. Nekak tu se lepše diši, drugački je zrak, čuje se šuma, tiči, srne paseju mam krej hiž…

Ne bi menjal svoje Prigorje za niš!

                                      Marko Bigor, 6. razred