| 2012-10-10 22:20:16 GROBNIČKE JESENI 2012. - Rezultati natječaja Darovani KATEDRA ČAKAVSKOGA SABORA GROBNIŠĆINE Grobnička jesen 2012. - GROBNIČKOJESENSKI DANI PROGRAM DAROVANI. – REZULTATI
LITERARNI RADOVI
PROZNI RADOVI Učenici od 1. – 4. razreda Kako se gasi daž – Sandra Zubčić, 4. b OŠ Jelenje-Dražice Dondolaš - Andrej Grlaš, 1. a OŠ Čavle Ja san prva prolećna rožica – Franko Žeželić, OŠ Čavle Učenici od 5. – 8. razreda Gremo pod osti – Gea Marohnić, 7. r. OŠ Kraljevica Stara škrinja – Laura Radetić, 8. c OŠ Čavle Kako su živeli naši stari – Petra Linić, 6 b OŠ Jelenje - Dražice
PJESNIŠTVO Učenici od 1. – 4. razreda Da san tić – Mateo Kos, 3 b OŠ Kostrena Proliće – Antonio Pelčić, 3 b OŠ Kostrena Valentinovo – Ivan Hlača, 4. b OŠ Jelenje-Dražice Učenici od 5. – 8. razreda Naš kamik – Dora Vrnoga, 7. r. OŠ Kraljevica Kušin – Marko Rošić, 6. a OŠ Kostrena Šuma – 6 a OŠ Čavle
NAGRAĐENI RADOVI ZA NEPOSREDAN IZRIČAJ: Čovik – Morena Volarić, 8. b OŠ Čavle Moj nono – 6 a OŠ Jelenje-Dražice Moje ČA - Gabriel Pokrajac, 6. a OŠ Čavle
LIKOVNI RADOVI
Učenici od 1. – 4. razreda Glagoljica – Filip Stošić, 4 b OŠ Jelenje-Dražice Jesenska sličica – Laura Kovačević, 3 c OŠ Čavle Magla u mjestu – Evelyn Korman, OŠ Jelenje-Dražice Učenici od 5. – 8. razreda Tekstura i… - Ani Perušić, 7. r. OŠ Kraljevica Bez naziva – Daria Čandrlić, 7. OŠ Kraljevica Bez naziva – Lovro Grlaš, 7 a OŠ Čavle
Za nagrađene učenike i njihove učitelje mentore Katedra Čakavskog sabora Grobnišćine organizira izlet u Žminj, 18. listopada 2012. godine.
PROGRAM DAROVANI – NAGRAĐENI LITERARNI RADOVI - PROZA
Ja san prva prolećna rožica Franko Žeželić, 4. a OŠ Čavle (učiteljica Jasna Juretić)
Budin se. Dosta mi j razmišjanja celu zimu. Dokla san pomalo zihajala sniga, mislela san čega ću se igrat s prijatelicami, ali... Gjedan okol sebe... rastužila san se. "Zima još traje", zazijala san. "Vidi, vidi! Ča jedna visibaba ovdi dela?", pita jedna pahujica. "Ne znan, ali mislin da se more vrnut spat ili ćemo ju zaledit", dodala j druga. "Ali ja ne moren tako brzo zaspat", pomislela san. "Homo brzo", reču pahujice i zalete se prema meni. Kad san već zgubila saku nadu za spas, doteču odnikud dica i otpuhnu jih. Dokla su prohajale, zblebetale su se da će me zaledit drugi dan, kad dice tu ne bude. Celu noć san molila da se snig stopi. I žeja mi se j ostvarila. Jutro j mesto sniga ledina bila pokrivena z visibabami. Bila san presrićna.
Dondolaš Andrej Grlaš, 1. a OŠ Čavle (voditeljica čakavske skupine Anita Zaharija)
Moj brat je dondolaš. Gjedan kako se za zvonit spravja. Črne gaće na se stavja i črjenu, na kvadri stomanju, a okol vrata črni rubac veže. Na noge croknje nateže i veli črni postolini obuva. Na hrbat kožu stavja. Dva zvončića su mu spreda, a na škini mu j veli zvončina. Krabuja ima veli rogi i žunta j već parićana. Još obraz malo nališe pa zadondula. A ja gjedan i mislin: "Komać čekan da i ja buden dondolaš! " Stara škrinja Laura Radetić, 8. c OŠ Čavle (učiteljica Romina Stanković Šubat)
Na šufitu j bila jedna stara drvena škrinja, prekrivena s čuda prašine i preveć paučije. Fanj vrimena san se pitala kakova j ona blaga va sebi se ovo vrime čuvala. Očistila san z nje paučiju i prašinu, a kad san ju oprla, va njoj je bila nonina dota stara: Kružići, križići, lančići, šćapići, šupi rubići, sitni karačići, abažurići, sajmrlice, rikami, mirlići, va sih bojah cvetići i listići. Feštoni, stolnjaki, kušini, tabletići, koltre i lancunići, košuje, kotule, kasetini i mudantini... Pred fanj let je se z monogrami ukrasila, popeglano i pokolano z fijočići vezano z lavandun obložila i va staru škrinju posložila.
PROGRAM DAROVANI – NAGRAĐENI LITERARNI RADOVI - PJESNIŠTVO Šuma Frane Linić, 6. a (voditeljica Dolores Maršanić)
Kalić do kalića, drvo do drva, šuma.
Kamik do kamika, put do putića, srna kraj kalića.
Trava do trave, rožica do rožice, bicikal do diteta.
Kućica na drvu, srićna dičica, moja šuma.
NAGRAĐENI RADOVI ZA NEPOSREDAN IZRIČAJ Moje ča Gabriel Pokrajac, 6. a OŠ Čavle (voditeljica: Dolores Maršanić)
Na celoj Grobnišćini ga j čut, od starih i mladih: va Kaštelu, va školi, va selu i va dolcu.
Ča, kadi, zač od svojih smo matere i oca, none i nonota navadili; va srce svoje naše ča zaprli.
Čovik Morena Volarić, 8. b OŠ Čavle (voditeljica: Dolores Maršanić)
Jedan dan z trbuha zijde, va materinon zagrjaju se skrije i lipi sanja san.
Z deset let va školi čita sonet. I prve jubavi tu su već va igri i noćne fešte materi na brigi.
Va svojoj kući z dicun se igra i ženu već ima.
Sivimi vlasi na glavi, z starimi gaćami i črnun jaketun ta isti čovik va zemji leži i sanja svoje sanje. |
| Osnovna škola "Čavle" |