Zima

Dešla je nakak s tiha ,

 z ničim posebnim ni se najavila.

Makar ju se iščekuje , navek iznenadi,

samo ruho malkac preminji.

Ovega puta guste lasi je rasplela

i v času ples  začela.

Severnjak je  naglo puhnal , čul se huk,

potom je nastal muk.

Na nebu se pojavila velika spodoba  z črnimi brki.

Tamni  oblak se je pomikal kak je vetar puhal.

Celi se naheril i najemput kihnal.

Iz njega  su ispale pahulje bele

ke su po sem poletele.

Se i sakega su pogladile i mrzli zrak ostavile.

V časku je se bilo čisti i belo

kak  anđelka maliga krilo.

Lepa je cura v roki kist držala,

a  još lepše slike iza sebe ostavljala.

Deci je nos i vuva  zakrvarila

i  domov  ih otpravila.

Vani  je bilo videti kak da je dan,

pojavil se mesec  gizdav i mlad.

V sredini kola ponosit je svetlil i stal, 

zvezde su oko njega  tancale kak da je bal,

noć je dobila posebnu čar.

Drugi jutri z ljudi se je našalila

zimske  rože po okni im išarala.

Ledene soze na krovu viseć je ostavila

i tak  se je predstavila.