Svečana dodjela nagrada i priznanja održat će se 27.5.2016.godine u organizaciji OŠ Starigrad i Javne ustanove Nacionalni park Paklenica.

Među dest pohvaljenih literarnih radova nalazi se i rad učenice naše škole Ane Mužić iz V.b .

Kol ovac

    Pasanu sabotu moja fameja i ja išli smo kol ovac. U Ilovicu smo arivali oko devet uri i  rasporedili se za skupit ovci. Otec je partil s desne, a sestri i ja smo hodile nasred ograjce. Sence je jako peklo, ko da je mesec maj.

    Ovce su hodile spred nas. Otec i mat su tirali ovce tepajuć im :“ Na malena.“ Ograjca je bila vela i puna smrek. Na jeden put spred mene se našel jeden mali janjec. Ležal je po tlohe ko da je krepani. Bil je mali i mehki ko spužva. Zela san ga na ruke. Kada san videla da je živ, smela san se od radosti. Tekla san lištom na mergar kede su bili moji. Moj  janjec je zablel i ovca kajoka  mu se javila. Sestri i otec su namazali druge ovce i zbeležili ih crnom bulom. Mat i ja smo pazile na janjca da se dobro naje.

    Oko dve uri smo finili posel i partili po domi. Bilo mi je žal pustit janjca. Otec je obećal da ćemo i sutra poć va Ilovicu. 

                                                            Ime i prezime učenika: Ana Mužić, V.b
                                                                Učiteljica/voditeljica: Mladenka Kučić