V  nedelju 15. rujna, proslavili  sme  138  let  od  rođenja  prigorskoga  sina, horvatskoga pesnika  Dragutina  Domjanića. Festival  kajkavske  reči održal  se je v  naše škole, v Adamovcu . Več  trejte  lete, KUD  Dragutin  Domjanić iz Adamovca,  terega vodi i ravna  Ivan Šikić,  zbira  male  i  vekše  kajkavce željne  domače  reči.  

Ovo  leto  pohodil  nas  je gradonačelnik  Milan  Bandić, čovek dobre  volje  i  širokuga  srca. Domača  publika, pesnici, đaki i vučitelji  nagradili  su pljeskom  najbolše  od  boljih....  Njih  je zbrala  komisija,  na  čelu  s  prof. Ivančicom Tomorad.  Naš  kaj  je zvonil v recitacije  ( Dubravko Sidor  i  Veronika  Filipčić ),  igrokazu (KUD Dragutin  Domjanić)  i  najglasneše  v  pesmi  Daria  Došlića  i  tamburaša  pod  vodstvom  Nenada  Dana  Koziga.

Fala  Domjaniću, malim  i  vekšim  čuvarima lepe  reči  i   vsega  dobrega  šteri  v  naš  Adamovec   donesu:  „ Tak  pune  sonca…“

                                                                       Vesna Martinuš, učiteljica