V juljijušu v Dobravi proščenje

Veljičasni je glasno najavil pre meši

da se drugo nedeljo,

v Dobravi,

joko veljko slavlje priprovlja…

Svetica Margareta

svoj den ima!

Ž njom se saki Dobravčan,

zasigurno, joko štima.

Mi, deca,

znomo kaj to znači…

Na Krbulji bode proščenje

i veljki ringišpilj

se bo vrtel den i noč.

Kromari kuljko očeš,

bi povedala moja stora mojčica.

Zakaj pak ne?!

Ljepo je meti proščenje v juljijušu.

Školje ga več ne,

toplo je,

a sladoljeda ga je se posod.

Znote da ste si pozvoni, kaj ne?!

Erika Šverko, 5.b

Kaj tuguješ tak turobno, dragi prijatelj moj

Kaj je bilo? Kaj si tak žalosten? Ajde, zemi si fljeto svojega labda i hoj se z menom na igraljišče igrat. Bomo si pucalji na gol. Gljedim te, ti si po celje dneve vuti hiži. Kak mi boš i dobro? Hodi vun, naj skupljati proha po sebi, a i po lopti. Moremo i graničara igrati z dečkima. Zadačo sem si so napisal. A ti? Boš potlji, ak si ne. Jo ti pomorem! Zemi si i nekve peneze sebom, pemo v štacun. Kupimo si soke ilji sladoljeda. Kaj očeš! A znoš, da bodo i na igraljišče došlje i ljepe deklje. Aha! Mom si se nasmejal. Dragi moj pajdoš, hodi čim predi vun, z menom v bolji život!

Petar Seličanec, 5.b

Šiba je z raja zišla

Negda je v Kotoribi

pono polji šibi bilo.

Denes, dok se španceram,

ne vidim jo baš pono?!

Stora mojka mi je prepovedala

da je ona večpot z šibom

i bita bila.

I da se ž njom pljelo

i z splječenami korpami

se kruhek sljužil.

Mama mi je pak rekla

da je deda negda

 samo zdigel šibo

i deca su ne vupala reči:

Nam, nemrem, nejdem…

Sako delo so fljetno naprajla.

Premišljovljem si da je

itak ne ljepo deco biti,

makar smo malo i hmonji.

V denešnje, moderno doba,

mi šibu niti ne vidimo.

No, dobro…

Vide ju oni malo hmonješi

za Nikoljinje…

I oni koji pročitaju moju pesmicu,

v naslovu.

                                                              Vito Peranec, 5.a

Šiba je z raja pola

Naši stori japek navek govorijo

da je šiba z raja pola...

Premišljovam si jo

kaj im to dojde?

Fljetno si i premisljim

da to denes neje več tak...

A oni i dalje gombaju:

Negda je saka hiža

de so deca bila

svojo šibu mela.

V koto je stojala i čokala, čokala...

Na svojem mestu je strpljivna bila

se dok deca neso nekvu norost naprojla.

E, unda jo je japek zgrabil

i ž njom deregerati počel...

Šiba je mom packe podeljila,

besna i srdita fljetno je treskala

kak da joj se pamet zmešala.

Muklu tišinu je rezala:

Fiju! Tres! Fiju! Tres!

Unda pak se još nato zderala,

alji se na kraju ipak

na svoje mesto vrnula.

Oni z vekšom srečom pak su si moglji i zebrati

z kojom šibom oču packe dobiti.

Nudilje so se sakojočke:

doge ilji krotke,

tenke ilji debelje...

Ne si si mogel dogo premišljovati:

koja bode menje pekla,

koja bode menje poslje boljela?

Ilji pak si mogel od nje bežati,

alji bi te ona sikak dostigla

i unda bi još bolje srdita bila...

Japek se i dalje zmišljuvljejo:

Negda je z raja šiba furt curela,

a deca so bila bolja i posljušneša!

A kak je denes?

Denešnji roditelji umirovilji so šibu.

Denes je jedino provi probljem

samo bez mobitela ostati,

ilji slučajno vun z hiže ziti?!

A šiba?

V raju čoka i cvilji i cmizdri, cmizdri...

Kak i ova denešnja deca

cvilje i cmizdre, a ni somi ne znaju zakaj?!

Negda je šiba na to  provi odgovor dola...

Ostajl sam japeka v njegovim mislima,

ogljednol sem se čez oblok

i zadovoljno se osmehnul.

Jo ne znam kak je to z šibom packe dobiti,

alji itak si misljim da je ljepše ovak,

z ljepimi rečmi o sem se pospominjati,

a šibu v raju ostajti…

Kaj ne?

Lovro Erdelji, 7.b

Šiba je z raja zišla

     Dok sem bila mola, pono pot sem se z dedijom spominala o tome kak je to bilo dok je on bil molji?! Sakojočke su se priče obrnulje, a unda, unda smo odjempot došlji do šibe. Sakomo detetu njegovoga detinjstva - ne baš dobre pajdašice. Zmisljim se da mi  je rekel da je to bila nojhujša kazna. Jena šiba?! Teško mi si je bilo to zamisljiti. Povedal mi je i da je saki od njis, dok je bil hmonji, moral svoju šibu v radioni najti, s kojom je štel packe dobiti. Šibi ga bilo oho-ho! Kuljko očeš!

   V dedini familjiji bilo je sedem brati i jedna sestra, pono njim je šibi trebalo, alji melji su njis i de nojti. Mojčica je saki den v radioni poljek store peči korpe pljela. Pošto je vu familjiji bilo pono zmotanih dečki, za neke joj je korpe čak i materijola sfaljilo, alji zoto je tu bil japica koji je navek fljetno šibo nabajil. Neje šiba v ono doba bila samo kazna, bila je i „božji dor“ kak bi mamica znalji reči. Pono je familjiji baš šiba prehronila, pono je hiži zgotovila i pono je dece za školo oprojila. Šiba je vuto vreme bila joko vredna!

    Ah te priče, to šiba, da mi je samo več toga o njoj stigel povedati…. Pono me toga još o njoj zanima, svašta bi štela znati. Samo… ve nemam od koga takve priče več posljušati… Morem ih se samo zmišljuvati i senjati naše doge i veselje spomenke o njegovom detinjstvu. Faljiju mi... Falji mi i on. Joko… Naši dogi razgovori o tome kaj je on voljel, kaj si je željel... Dok se nazoj na nebo sretnemo prvo ga bom mom pitala: Deda, je šiba zapraf z raja zišla?Ilji?

Sara Matulin, 7.b