Mačuhice

Popoldan dešč se spusti,

pak bleščavu sozu

mačuhica pusti.

Male se stepe, i bela i plava,

glediju sonce kaj se

z oblačkom zigrava.

Veter zatanca, rosu rastira.

V mojem srčeku sreča zaigra.

Cveteju, cveteju mačuhice šare,

vsakem čoveku čudo dara daju.

Tak su vesele dok den se beli…

A onda se noč spusti i

mačuhice ideju spat.

Za pozdrav meni,

vsaka mi hoče

lepi sen dat.

Lana Lukić, 6.a

Mentorica: Lidija Vešligaj, prof.

Cucek

Dobila sam maloga cucka,

tak je slatki kakti mali buftlin.

Ima velike oči i male noge,

kurtastu dlaku kakti na proge.

Duge sam ga štela i

prosila mater i japu

i dedu i babu kak bi ga dobila.

Sad gda je došel, gda ga več imam,

male mi je dojadil i male dosadil.

Furt je zmazan, furt je v blatu,

a negda mi dojde da ga naburim kakti staru kantu.

V hižu se nafčil, a nutre nesme biti

jer veliku štetu dela pa vuni mora biti.

Ni spati nemrem jer furt laje,

pa cvili, pa cmuče i po vratima grebe.

A senek ga volim jer je najslajši

i ne bi ga dala za niš na svetu,

ni gda je zmazan, ni gda celu noč bez prestanka laje.

Viktorija Crnić, 8.n

Mentorica: Diana Brcković, prof.

Jaboka

Jaboka se na gruntu svila,

tu ju je prebabica posadila.

Jabuka ima široke grane

veseli kukci na nje se hrane.

I tičeki na nje popevleju

i svoja gnezda svijaju.

Cele ljete ona je zelena,

a dok jesen dojde vsa bu črljena.

Deca v školu ideju i

vesele si ž nje jaboke trgaju.

Debele i krhke su je grane,

pone jabok na nju stane.

Od jabuk se džemi pečeju

i sakakvi kolači spravlaju.

Kad se vune zabeli,

jaboka trdi san zaspi.

A gda se z juga vrneju laste,

ona se zbudi raste i raste.

I mački se na nje igraju,

na vsaku granu oni se penjeju.

Pamtim je odnavek,
jer tu raste sto ljet.
 

Matea Bedenic, 6.a

Mentorica: Lidija Vešligaj, prof.

Kam je nestala lopta

Več dugo vremena

nemrem nikoga najti

s kim bi nogomet mogel zaigrati.

Nikoga od nikud nije!

A dan je tak liep

i sonce tak vesele greje.

Zovem prijatele na mobitel

– ne javlaju se,

onda se jen javi.

Velim mu:

„Dej zidi vun

bumo igrali nogomet!“

„Kakof nogomet?!

Im ga več igram!“

Denes vam treba

samo kompjuter imeti,

igricu kupiti,

vužgati kompjuter

i igral buš nogomet

bez lopte i do

ne zideš van.

Luka Ptiček, 8.c.

Mentorica: Lidija Vešligaj, prof.

Deklica z moje škole

Tak rad idem v školu!

Koj mislite da je razlog tomu?

Matematika, hrvatski, povijest…?

Neee!

Razlog je jena deklica

z moje škole.

Zdaleka ju gledim,

bojim se bliže dojti,

ona mene ne gledi.

Mislim: drugom se smeje,

a mene onda sončeko

po licu greje.

Pamet sem zgubil.

Vse misli su mi ona.

Matematika, hrvatski, povijest?

Niš ne poslunem, nit ne čujem.

Samo čekam odmor i nein glas.

Za me je to sad jedini spas.

Luka Ptiček, 8.c.

Mentorica: Lidija Vešligaj, prof.

Lastavice

Lastavice sake lete

sim nazaj dohajaju.

Šte zna kak se one med bregi

tak dobre snalaziju?

Morti su tu več tri,

pet let?

Su si zobrale v trsiju

drvenu staru klet.

Doleti sim, ti mali tiček!

Dojdi koj bliže k naše hiže!

Najsigurneše je v našem kraju,

to već i lastavice znaju.

Dorotea Dananić, 8.c

Mentorica: Lidija Vešligaj, prof.

Trsje

Prešla je zima, trsek treba obrezati,

cele ljete za žicu vezati.

Čvorek vesele na stopu sedi

kak grozdje zreje on vesele gledi:

„Dok bude meke, ja ga bom jel

ne bo ga gazda meni zel.“

Došli su berači, vse su pobrali.

Tičem pak nisu ništ više dali.

Grozdje se preša vu mošt,

nastaje vino,

dok se pije, vsima je fino.

Gazda ga vsem prijatelji daje

i Boga moli

da zanavek traje.

Matea Bedenic, 6.a

Mentorica: Lidija Vešligaj, prof.

Snježne pahulje

Pahulje bele s neba se spuštaju,

lagane na zemlu one padaju.

Bu bilo veselja dok se deca zbude,

slagali buju velike grude.

Makar je i zima ledena,

delaju oni velikog snjegoviča.

Gombi su mu žoti, črni i plavi,

ispod im je snieg bieli, pravi.

Soseda Bara s obloka gledi

i semu tomu ona se veseli:

„Da imam bar deset ljet,

presanjkala bi celi svet!“

Stari se pak ljudi van ne daju.

Rajši se kraj peči grejeju.

Mama je zlevku spekla:

„Dojdite jest!“ deci je rekla.

Matea Bedenic, 6.a

Mentorica: Lidija Vešligaj, prof.

Moj prijatel mali

Pred meseca tri

ona je došla

v moj dom

i sreča je prišla z njom.

Došla je Rea,

pesek moj mali,

tera se z menom

igra i šali.

Gda v školu krenem,

po putu me prati,

z repom maše,

vreme mi krati.

Gda z škole dojdem,

na lesi me čaka,

navlači za lače,

veselo laje

i na me skače.

Kokoši rasterava,

mačke naterava,

čuda spodelava…

Čovek ti negdar

ljubav ne vrača

pa bome dojde

čak i do plača.

Al Rea je moja

prijatel pravi

kaj navek je veran

i nigdar te ne ostavi.

Gabriela Strelar, 7. b

Mentorica: Draženka Jarec-Tomorad, prof.

Trsje

V mojemu kraju,

to Prigorci znaju,

trsja je navek bilo

i vino se je fino pilo.

Gda dedeku bolest preti,

leči se pri kleti.

Za tugu onda nije znal

i za trsje se je dal.

Sako leto grozdje bral,

ali nigdar tuđe kral!

Na svojemu je gospodar bil

i rada si kupicu vinčeka spil.

Katarina Kušić, 7. a

Mentorica: Draženka Jarec-Tomorad, prof.