| 2017-03-04 16:48:59 PUSNI UTORAK VA PRODUŽENEMU BORAVKU Eko, fini je i mesec febraj, a z njen i najlepce vreme za nas deco i maještri Produženega boravka... Na pusni utorak, 28. febraja nismo bili nanke malo leni da se opet parićomo i maškaromo. Saki od nas bi je ono ca je ote i ca ga veseli. Bilo je tu perikuložih gusari, kuntentih klauni, crnih udovicah, porednih štrigah, halaburastih mišicah i miši z Diznilenda, lepih Kleopatri, Indijanci, kaubojci, škeletri, ma sacega... A koko smo si ta don va Produženemu pasali??? Eeeeee, to bimo van radi kroz poežijo špjegali. Prvo obeda jušto smo malo zadaći pisali, a onda teki i libreti va borši zafraćali. Monturi smo si bili već ranije klali, A obrazi i usta još malo popiturali. Sacega smo se mi spensali, cuda tega smo se igrali. Bunboni smo z slamici od pijata do pijata prenošali, a krofni z čokoladu i marmeladu vreda jali. Z metlu smo toncali i oko kantregah skokali, ma anke i cuda, cuda se smejali. Lepi nan je pusni utorak va Produženemu bi ma koko lep – to znomo samo mi!!! deca 1. i 3. grupe Produženega boravka maještri Adriana i Marijana
|
| Osnovna škola Matije Vlačića Labin |
