Macice male nam dragaju                                              

ruku i lice i čelo,

tičice v lugu popevaju

v dol i daljine i selo.

 

Šafrani rosni odpiraju

kelihe bele i plave,

kak da i prve fijolice

stiha dišiju z trave.

 

Sunce na nebu je jasnomu 

zlatno, kak ni bilo zdavna,

vsa ga stvorenja pozdravljaju,

bregi i polja vsa rosna.

 

V cirkvah bu se, kaj nam hrana je

blagoslov dobilo novi.

Ja bi pak Boga štel prositi:

„Srca takoj blagoslovi!“

 

Sveto vam bilo svetenje,

i u domu zdravlje i veselje,

i u polju bjelica šenica

i u brdu vinova lozica. (Dragutin Domjanić)