Si mlaji razredi najprvo su delali pusne rožice, zvončari od kartuna, maski i vesele medalji. Potle marendi počel je tanac, na ken su se miće maškare natancale uz sopci Dinota Stanića i Denisa Ivaničića.

Uživali su va igrah: oteli pobrat va košaru čin više pusneh rožic, provali tancat va pare z balonon mej sobun i navijali za oneh ki su kad muzika ferma morali čin brže nać katridu za sest. Nagradi za najboji va sakoj igre bile su vesele medalje, a storene maski i zvončarići si moru videt na izložbe pred knjižnicun!