Osnovna škola "Grohote" Grohote

HOMO U POJE

            Kad je muoj nono bi mlaji, svako jutro je sa svojin ocen hodi u poje. Imali su puno luozja i maslin. Svako jutro su se armivali da čogod ne zaboravidu jer u to doba još ni bilo motorih, a do nikih pojih je vajalo hodit i dobru uru.

            Tako su se jedno jutro armivali za u poje i portilli na noge put Borićevice. Kad su arivali odma su počeli okopovat luozje. Ni puno pasalo a govori Jakov: (muoj pranuono) ''Asti stuo! Ostali su mi španjuleti u onu drugu jaketu! Hod ća Mate, puoj nose pa mi ih dones.'' I ni bilo druge mojemu nuonotu nego da ide nose do doma u Molo Selo i donese ocu španjulete, a tuo hoće reć ura hoda tamo i nose.

            Ovo mi je droga štuorija mojega nuonota jer kad danas pogledon i do butige se grije sa auton, a svi nindir kuridu sa motorima.

Kako su se ova doba žvijelto prominila, ča govorite?

Mateja Dulčić, 3. razred

Mentor: Vivijana Bižaca

OŠ Petra Hektorovića, Stari Grad