Oponki i patike: Gianni Galinović_Dječji Pričigin2013
Autor: Dragana Đurić, 24. 3. 2013.
Da ono prin i 'vo sad uvik jemadu svoje misto u štoriji, da propju bude fantažiju, a digod dovedu čovika da se dobro nažme i promisli pokazat će i štorija Oponki i patike Giannia Galinovića, učenika 3. razreda OŠ Pučišća
Meštrovica: Željka Martinić
Željka Alajbeg, voditelj GKMM Knjižnice Grohote
OPONKI I PATIKE
Jo san strošno kurjuož i uvik pitnon store none ča je i kako je nikal bilo.
Lako ti je storu nonu užgat!?
Olma puočme govorit da je uvik bilo tieško prihronit se, apožito vega rata, kal ni bilo nišesa za izist, njonka za lik. Ona je jednon put, kal non se nojmlaji sin nadu ol gloda i debulice, skupila sve zloto ča ga je u kući imala: rukuovni prsten, roćine i kadienicu ča non je muž darovo, bracolet i medajicu ča su ćeri doli za kršćienje – sve vridno ča je muogla skupit – ne bi u šaku stalo. I išla je u Split na Pazor, da non to jelna Vlahinja zamini za pulientu ol frmentuna. Vlahinje su dovale "žuto za žuto". I tako je nona za šaku zlota dobila šaku puliente. I cili je život proklinjola nu Vlahinju: "U gujku ti ostalo moje zloto, dabuojda!"
Znala je da dušu griši i da ni lipo kliet, ma opet – ko će odolit!
A nuono govori da su dica nikad uvik bosa hodila. Nikor ni pito je hi badodu stinje. Kal bidu se dica požalila da nimodu postoli, stariji bidu olgovorali:
"Dite moje, če ćedu ti postoli, zimi ni guj, liti ni zima, onda – čo!?"
Ma, kal bi duošlo vrime da se dite upiše u skulu, vajalo je jemat postole. Bare jelne u kući, kojega bilo broja. Činile su se doma, ol kože.
Ma ko će dat kože!
Ol kojie kože?!
Da bi nuono dobi oponke za u skulu, vajalo je ubit tovara. Jelniega storega, ča je jedva hodi, ma opet – bi je dil fameje.
Vele ti je truda podnila to bidno beštija!
Kal je nuono dobi oponke ol tovara, s lipon zavrnuton punton, gledo hi je ko oči u glovi. Zato če su vridne. I još veće zato ča su od njegovega tovara.
Parilo mu se da ga tovor na škini nosi dokle je u njima gazi. Somo če nin ne bi reko: "Šo, moje oponke, de! Još malo i duošli smo!"
Voli hi je i zato ča je mogo coknut bubanicu bez da mu se rascvate i prokrvori veli prst na nozi! Ča se tiče polplatih – tvrdijo je bila njegova koža nego koža od opanok. Mogo je trkat po škajima bržije i lašnje nego u oponkima.
Obo svemu temu san misli niki don dokle san gledo svoje nove Adidas patike.
Gianni Galinović, 3. razred
Mentor: Željka Martinić
OŠ Pučišća, Pučišća
Raspored sati 5.-8.r. u 2023./24.-od 18.9.2023.
Raspored sati 1.-4. r. u 2023./24.-od 18.9.2023.
Raspored PRIJEVOZA učenike u šk.g.2023./24.
Raspored dežurstva u vrijeme velikog odmora 2023./24.
Dnevno dežurstvo učitelja i administrativno-tehničkog osoblja 2023./24.
Konzultacije i informacije za roditelje 2023./24._18.9.2023.
Sa Zebrom sigurno školu_slikovnica
Letak_Page1. za roditelje_Ponašanje u prometu
Letak_Page2. za vozače_Ponašanje u prometu
Letak_Page3. za djecu_Ponašanje u prometu
« Svibanj 2024 » | ||||||
Po | Ut | Sr | Če | Pe | Su | Ne |
29 | 30 | 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
Obavijesti | ![]() |
![]() |
Obrazovni i e-časopisi | ![]() |
![]() |
Dnevni tisak | ![]() |
![]() |
Ukupno: 5391445
Ovaj mjesec: 387
Ovaj tjedan: 662
Danas: 60