Osnovna škola "Grohote" Grohote

MUOJ NUONO RIBOR

Navrašćen od godišć, umoran od muora svako jutro vazimje svoje uorte, i pomalo s noge nanogu partije pud svuoga darvenega kaića.

Gledo pud zapada, pari lipo vrime, a sa istoka se začornilo, zalampalo.

''Ni tuo ništa'', propenso.

Odriši se od kraja pa pomalo na vesla do pošte di hito u muore svoje uorte.

Pinku je vitra:

''Hoće mi odnit mriže?

A i vorša mi je na puntu.

Čaću sad?!

Sad je ionako sve već umore, takat ću španjolet i čekot čaće bit.''

Paso tako don. Izvuče voršu sa dvo, tri pirka, a u mrižu puno kašet ribe koja je cilu mrižu izrapovila.

''Neka je rapova, zakarpit ću je sutra ionako zove slabo vrime.''

U konobu karpi muoj nuono mrižu i meni provjo čamu se dogodilo.

''Paso son jo sinko muoj puno gori vitar i bote, a tuo je moj život. Jerbo jo bez muora, kaića i mriž nebi bi živ.'’

Josip Franetović, 6. razred

Mentor: Leana Fredotović

OŠ Petra Hektorovića, Stari Grad