Osnovna škola "Grohote" Grohote

Novi život se rađa

Prije 5 godina san živila u Splitu i išla u vrtić. Pojma nisam imala di rastu masline ni kakao se radi uje. Danas živin na njlipšen škoju na svitu di iden u školu i štujen maslinu ka sveto drvo.

Moj van je pape živija u Splitu i u Njemačkoj i nije baš sadija masline ka dite. Isto, od cile lipote bilega svita on je najviše zapantija lipotu Šolte kad bi liti dolazija kod babe, u Donje Selo. Tu se zajubija u maslinu ka da je najlipša cura. Ta jubav je trajala puste godine i nije nestala. Bila je sve jača i natirala ga da se vrati tamo di mu je u ditinjstvo bilo najlipše.

Vratija se moj pape i doveja i nas sa sobon. Zasadija je puno maslina i uvik nan priča o noj ka o krajici, kao o živome stvoru, ka da ima dušu i da razumi sve ča joj on govori.

Zavolila san je i ja. Počela san boje slušat njegove priče i koji put s njime u masline. Najdraže mi je biti š njime kada u masline. Najdraže mi je biti s njime kada zasadi novo stablo masline. Ja sidin na zidiću i promatran ga kako on to pažljivo radi, ka da malo dite spušta materi u krilo. Kada je gotov, pogleda me sa osmjehom i zapiva onu oliverovu: Novi život se rađa …