Osnovna škola "Grohote" Grohote

PRIČIGIN

Sečam se toga dneva kak da je fčera bilo. V škole smo imali hrvacki. Nastavnica nas je prosila nek napišemo priču za natečaj. Nesem znala kak započeti. Posle par minuti v glave mi je sinolo. Bom pisala o kraljevstvu v kojem je živela princeza Miranda. Maštala sem se više i više. Zutraden sem predala priču. Saki den sem vežbala pripovedati priču. A onda so stigli rezultati natečaja. Prešla sem ali i si drugi čije so priče bile poslane. Bilo je veliko veselje, a posebno za mene. Pozvani smo v Split. To bo moj prvi sastanek z morem. Nigdar ga nesem vidla ni bila na njemu samo sem ga zamišljala, slušala o njemu, gledela ga na televizije. Sada bo senja postala zbilja. Rezultati so nas se terali da još više vežbamo pripovedati priče. Dnevi so polako prehađali. Si smo jedva čekali da dojde dvadesetšesti ožujek. I došel je te dnev. Krenoli smo jako rano ali neje nam se bilo teško dići. Sunce je još spalo,a mi smo već bili daleko od Virovitice. Ne faljelo smeja i šali. Putuvali smo jako dugo,a nestrpljenje je raslo dok najemput nesmo pred sebom vidli more. Bila sem jako srećna. Dok smo došli v Split mam smo išli v Kazalište. Za vreme nastupa držali smo palce da se dobro prejde. Posle nastupa si đaki i njiovi učitelji išli so v restoran gde smo fino jeli i pili soka. Rastali smo se od nove prijateljov koje smo tam upoznali. Otišli smo se šetat na rivu i v grad,a od Grgura Ninskog smo zaželjeli želju. Šetali smo se uz more,a mene z lica ne zišel smej. Te put sem prvi puta dirala more i osetila da je slano. Jeli smo sladoleda i kupuvali vu velike dučane. Raj za nas dekle. Se je brzo prešlo i doma smo došli kesno v noći. Mislila sem kak je istina da se kaj je lepo kratko traje. Nigdar ne bom zabila Splita i bom moj sastanek z morem pamtila zanavek.Ta slika ostaje zanavek v mojem srcu. Ne bi još vidla more da nesem napisala priču za Pričigin. Sada saki den gledim seriju Larin izbor,  sečam se Splita, a nastavnica me više ne zove Dijana nego Miranda kak princeza z moje priče koja me je otpeljala v Split, moj najdrakši grad.