Osnovna škola "Grohote" Grohote

DOGODOVŠTINE V MOJE VULICE

Bilo je toplo pramaletno ranje. Moja seka se prebudila i bečala jer je zgubila dudu. Mama se digla kaj bi ju našla...kad odjemput-bum, tres... Nekaj je lupilo i cela se hiža zatresla. Mama je štela videti kaj se to događa. Jako se je iznenadila. Auto se zabil v našu hižu. Za volanom je bil stareši čovek. Bil je bogec se splašpen. Moji roditelji i si susedi zišli so na vulicu. Posle je došel crveni križ i milicija. Z čovekom je bilo fala bogu se vredu. Zvinol se je zbog sega makar on neje bil nikaj kriv. Jena se žena zabušila v njegov auto, a on v našu hižu. Posle ga nigdar više nesmonigde sreli. No mojemu pripovedanju tu ne kraj.Ne prešlo ni jeno leto,a pak se je nekaj dogodilo.

Na kavu k nam je došla mamina pajdašica. Dok so one v miru pile i pomalo ogovarjale i pripovedale jena druge kaj ima novoga opet bum, tres... Mam se čulo i nekakvo kokodakanje. Kaj je pak,kaj se dogodilo rekle so v isti mah? Pošle so mam k obloku da vide kaj se događa. Čuda li velikoga, kokoši frcajo po zraku. Jena je žena v svoje prikolice vozila kokoši i pišćence, naletela na grabu i prikolica se prekopitnola. Bogice kokoši letele so sakud okolo. Okupljaliso se se više si susedi i smejali. Moja je mama pomogla žene da se smiri,a onda viknola susedu: Ej, Matek, ti za dva tjedna imaš svate pak zato mam počni loviti kokoši.Boš imal za juvu mesa.

Priznam da mi je baš lepo i zanimljivo živeti vu Štrosmajerove vulice. Stalno se nekaj događa. Ili se nešće z autom zaleti v hižu ili pak najemput dobiš bez penez kokoši kuliko ti srce želi. Morti jenga dneva z neba dolete i svemirci. I nek mi nešće veli da se čuda ne događajo.