Osnovna škola "Ivo Lola Ribar" Labin

Danas je osamnajsti morc dvo miljara i petnajste (18.03.20015.) i mi smo tu da navadimo nešto novega. Stori ljudi so govorili da so svoje življenje moraš vadit pa se tega i mi  držimo.

Va put smo mi i naše maještri va goste zvoli sopca i kantadora, šjora Franka Kosa i njegovu ženu Paolu.

Poli njega puno deca je navadilo sos, ca non je pokozo na mehe Moris Šumberac.

Barba Franko nan je donesa sopele – miće i vele , dvojnice , meh ,... i na njih zasopa. Anke nan je pravi od kakovega so dreva i kako hi on dela.

Radi smo posluhali anke štoriju  kada  je on bi mići otrok i pito svojega oca da mu do meh , a on ni ote pa si ga je mići Franko som stori.I tako je pošnela ljubav prema temu .Se ca se je on navadi je pravi svojemu nuku i tako štorija još vajka živi i će živet.

Barba Franko je oženi tetu Paolu i s nju je pošne i kantat. A to so nan pokozali pa smo culi ca je to kantat na tonko i debelo. Zakantali so nan dve kanconi , Labin je lepi grod i Tri naronci. Pasali so nas srhi dok smo hi posluhali.

Fala barba Franku i tete Paole za lepo druženje i se šperomo da ćemo se još videt i navadit nešto novega. Drugi put ćemo mi njemu tako zakantat , a forši i nešto zasost.