OGLASNA PLOČA
Ha-ha-ha! He-he-he! Hi-hi-hiiiiiiiiii......!!! Halloween smo profešteđali anke mi!
Autor: Sanja Škopac, 7. 11. 2016.
Pasano šetimono cuki smo prontali, štrige, duhi i perimiši po barkonah montali. A va petak, na cetiri martinšćaka, na sebe smo strošne monturi klali, va štrige, štrigoni, vampiri i duhi smo se maškarali.
Teta Bojana i naše maještri obrazi su nan piturale
i se naše želje one su poslihale,
propjo lepo z kolori nas kontentale.
Cuda smo se smejali, toncali z metlu, igrali se i zabovljali
ma anke cuda dobreh bonboni smo pojali.
Lepo nan je ta don va škole bilo,
perke nanke zadaće pisat ni robilo.
Ma je lepo va Produženemu živet,
kad z maještrami moremo noret.
P.S. Teta Bojana, fala...velo Van FALA,
ca ste nošla lazno i tako lepo nas piturala 
deca Produženega boravka i maještri Adriana i Marijana
