Nagrađene i pohvaljene pjesme učenika naše škole na literarnom natječaju "Ca je ča " u Gradskoj knjižnici Labin
Autor: Silva Tenčić, 20. 11. 2018.
Posljednjeg dana obilježavanja Mjeseca hrvatske knjige 15. 11. 2018. proglašeni su i rezultati Literarnog natječaja "Ca je ča" u Gradskoj knjižnici Labin. U kategoriji mlađih razreda 3. mjesto osvojila je učenica 4. razreda Područne škole Rabac Viktoria Hrvatin s pjesmom "Štorija od tenisa", a mentorica učenici je učiteljica Marta Verbanac. ŠTORIJA OD TENISA Jedon don… ca bin sobun neson znala malo vamo, malo tamo sa son se zmišala. Da bin forši co igrala, da bin forši ka sport provala? Da bi me almeno co pjažalo, da bi mi almeno co na mente palo! Na jedonput son se spametila da bin forši va tenise dobra bila. Ta don son se deštinala prontala i šla. Ma ta bala, kako da me je poznala. I oni reket, kad son ga va ruki ćepala, zajno son se inamorala. Na turniri kad son šla, po sen terene son se hitala, se bali ke son rivala son ćepivala... Doma son medalji i pehari nosila. Da je još kakovo mesto na moje stalaže, boga son molila. Moje srce puno je kuntenteci i se me srhi pasivajo, kad se spametin, kuko moji preteli zome navijajo. A znote kako je pocela ta moja štorija? Mat i otac su mi doli ime Viktoria! Od mićega mi se od ruki hodi, toncan, kanton, igron, sopen, ma najraj od sega na tenis gren! Viktoria Hrvatin, 4. razred PŠ Rabac U kategoriji starijih razreda 2. mjesto osvojio je učenik 7.b razreda Dino Peruško s pjesmom "Nimamo vremena". Mentorica učeniku je učiteljica Klaudia Blašković. Nimamo vremena Va jutro, kada se sunce još skriva i si oblaki koloro, a nebo je onako karvovo, mi nimamo vremena za se frmat, nebo pogledat i tići posluhat. Ošto mi vajka nedere tecemo, sadere bimo oteli bit. I gledamo, ma ne vidimo, ošto nimamo vremena za videt. A ca bi bilo da se na minut frmomo, drugega posluhomo, ma nimamo vremena. Nimamo vremena ni za drugega, ni za sebe. Nimamo vremena za živet, nimamo vremena za amor. I kada se sunce med oblaki skrije i mesec na nebo pride sa semi zvezdami, forši će i bit vremena, ma va to vreme neće bit nas. Dino Peruško, 7.b Pohvaljena je pjesma Antone Mohorović "Moja nona" u kategoriji mlađih razreda i pjesma Dina Peruška "Istra" u kategoriji starijih razreda. Navedene pjesme možete pročitati u nastavku pod više... Ostale pjesme koje su učenici naše škole uz svoje mentore poslali na navedeni natječaj moći ćete pročitati na ovim stranicama naše škole u rubrici Školski list na linku: http://www.os-mvlacica-labin.skole.hr/skola/novine. Silva Tenčić
Moja nona
Moja nona je joko dobra i prova
po celi dni nešto dela,
a va rukah njoj je vajka neka padela.
Duron me pita ca ćun jes
pa moran za stol ses
i se ca je na pjate pojes.
Pježo jo s mojo mamo ćakulat,
s brekon va bošak prošećat
i seh vajka kuntentat.
Antona Mohorović, 3.b
Istra
Kamik,
na kamike,
do kamika;
mići zidići.
Med zidićami
njivi. Na njivami
voli. Zod vola
šlovek s pluhom
hodi. I jena krasa,
na krase poli njive
kažun, a dole
more. Voli va stine
udrivaju; more i
kamik skupa kantoju.
I kada Sunce gre spat.
mirno more sa zvezdami
zadnji će kanat zakantat.
Tuka va kušćiće zemje,
va kušćiće roja.
Dino Peruško, 7.b
