Osnovna škola Matije Vlačića Labin

Ponedeljak pred vecer se zaškurelo,

malo je lampalo i cuda grmelo.

Doš je pada, levo celo noć,

nesmo znali ko ćemo na Brijuni moć poć?!?

Priša je utorak, ta jedanajsti pomajića,

a non je okolo glovi letelo cuda velih smajlića.

Doš je fermo, sunce se na nebe puntalo,

cuda vesele dece i maještri na korijero se nakrcalo.

Preko Raši, Brbona, Marčani, Puli… va Fažano smo rivali

marendali, biljeti kupili i na borko tremendo cekali.

Kad je deveta ura na turne zazvonela,

borka je  portila, put Brijunah po more poletela.

Ca nas novega tamo ceka…nesmo znali,

tetu Sanju vodičkinju, so non tamo prežentali.

Va moli, beli trenino so nas nakrcali,

po celemu Velemu Brijunu so nas peljali.

Videli smo bloga sake fozi:

noja, pauni, zebre, konji, srni, vosci ma anke i kozi.

Ma stora slonica Lanka najviše non se pježala

va hlode se je skrivala i nešto dobrega marendala.

Obošli smo mi tamo jenu crekvu, muzej i otok celi,

a propjo joko non se je pježo Titov stori Cadillac veli.

Beci za peljat se š njen nesmo imeli,

ma z gušton smo si granito popili i đelato pojeli.

A onda je robilo još jenega pretela noć poć

lepega, belega papagala ka se Koki zove -  oboć.

Malo smo š njen gonat provali,

ma njemu je bilo teplo i brzo smo ga štufali.

Pomalo se robilo va Fažanu tornat,

i neka non je bilo prelepo…ma vreme se ne more frmat.

Z borki smo se kuntento raskrcali,

cuda tega novega smo navadili…ca nesmo znali.

Ma još kuntenteji smo bili,

kad smo đogatoli po meste kupevat mogli.

Do Labina s korijero smo se tornali,

pretelon kupljene đogatoli kozali, smejali se i kantali.

A naše maještri…kokove so one bile?!?

Na Brijunah koko šinjore, kafe su popile,

i nanke neso propjo cuda…vopile…😊😊😊

I ca da von još pametnega recemo za kroj?!?

Se ca je lepo…krotko duro…Ma i još brže…paso.   

Pozdrovljaju vas deca: 1. i 2. PŠ Rabac, 2.A i 2.B….

…I njihove meještri: Dilana, Doris i Marijana