Krabulji
Autor: Tanja Dobrić, 19. 2. 2015.
Krabulji so odvajk bile bukon našeh užonci. Do njih so držali naši stori. Oni so hi ocuvali za nas, a mi cuvamo užonci za naši deca. O njimi smo gonali sa va mesec, do pusnega utorka. Ca smo se delali…
S Labinsko folšarijo smo šli po Labine sen prežentat kako smo lepi. Va škole smo čitali i pisali besedi o krabuljah. Dišenjali smo hi na sake fozi. Najveć smo delali maski od beštijah jer vo leto gonamo cuda zonjeh. Bilo hi je sakeh fozah, od domoćeh do oneh od boška. Kantali smo i toncali si skupa.
Najzod smo se maškarali, piturali, obukli i šli na Tanac kega so nan na 16. febraja, na 5 ur popolne prontale naše maeštri. Si smo bili kuntenti. Toncali smo i igrali se storeh đogi z metlo. Najbolja ženska i muška krabulja so za tanac dobile i regol. Regol je dobila i najštimaneja maškara ko smo vibrali mi deca. Sa škola je ronila od našega tanca. Ma nan je bilo lepo i veselo. Jedinemu se ni šlo doma.
Do druge leti krabulji ćemo va kroj klas, a za naše užonci još cuda ćemo tega navadit i prežentat.
Miće krabuljice
P.S. I mi smo se maškarale, z decami zatoncale i lepo divertile.
Maeštri
