"CA JE ČA"
Autor: Silva Tenčić Stemberger, 19. 11. 2015.
Na književnom susretu sudionika 22. literarnog natječaja „CA JE ČA“ održanom u prepunoj dvorani Gradske knjižnice Labin 18.11.2015. i ove su godine sudjelovali učenici naše škole. U kategoriji mlađih razreda 3. mjesto osvojila je Lana Škopac (mentorica Lorena Dobrić) s pjesmom „Baticok“, a u toj kategoriji je još pjesma „Nonetova borka“ pohvaljena te ju je pročitala prisutnima autorica Gaia Bruna Užičanin (mentorica Marina Franković). U kategoriji starijih razreda 3. mjesto osvojila je Althea Vlačić (mentor Dean Nestorović) s pjesmom pod naslovom „Jesen va mojen kraje“ te je u istoj kategoriji pohvaljena pjesma „Moja pretelica“ koju je napisala i prisutnima pročitala Erika Mikuljan (mentorica Klaudia Blašković). Nagrađenim i pohvaljenim učenicama čestitamo, a ostalih dvadesetak učenika koji su se javili svojim literarnim radovima na natječaj „Ca je ča“ pohvaljujemo te želimo da naš "CA" i dalje živi i traje među nama…
BATICOK
Gren ja va boškić,
a zad manon
gre i maškić.
Se farmon i cujen tok tok tok,
a to na grme baticok.
Gledan ja, a gleda i maškić
kuko tuce na grmić.
Kad nas je vide, se je strenu,
a da ga jedini ni nanke prenu.
Lana Škopac, 4.b
JESEN VA MOJEN KRAJE
Jesen je i va moj kroj prišla
i na barkon mi pokukala
po vrotami je rompala
i oci mi otprla.
Lišće je va sakakove
kolori piturala
skupa s vetrom tekla
i kostanji spekla.
Grojze smo već pobrli
i vino stroili,
va teplo se skrili
i tepli čaj popili.
Va konobu smo se zaprli
i ugonj naložili
pa smo se si va toj
hladnoj noći teplili
Althea Vlačić, 7.a
NONETOVA BORKA
Tamo na Trgete
kede je more vajka teplo,
kede malagriž lepo diši,
tamo je borka
od mojega noneta.
Puno je voli pasala
i puno ribah
s noneton ćepala.
Sada, kada noneta više ni,
malagriž sejno diši,
a borka nas na noneta spameti.
Gaia Bruna Užičanin, 3.b
MOJA PRETELICA
Se joj hodi,
ma gonat po naše nikoko.
Saki put kada igromo odbojku
vadimo je gonat po domoće.
Pomalo je pocela kapit,
ma ne puno.
Mi je skušivamo se po hrvotski
pa ona proviva rišpondit po domoće…
Pitale smo je koko se
rece učiteljica po domoće?
Ona je rekla maneštra
namesto maeštra.
Krepale smo od smeha!
Sejno ćemo je pravat
navadit jušto gonat.
Erika Mikuljan, 6.a
