Osnovna škola Viktora Cara Emina Lovran

    Pasalo je deset  let od kad su se moja mat i otac oženili. Šesno su se spravili i na večeru šli da bi godišnjicu braka proslavili a mene pul noni pustili.

    Ja sam volela poć pul noni aš ona se j vavek  z manun igrat otela i čuda mi teh štoriji povedala i stare igračke mi svoje pokazala. Nona je z ormara špekuje zvukla. Rekla je da su sakakove neke veće, neke miće, ma va seh mileh kolori. Tu je bilo i dela. Moralo se delat tunelići i putići. Si su uživali i z guštun se igrali! Z guštun san drugi dan prišla none i pitala: „Nona, s čen ćemo se danaska igrat?“ Nona sa srećna ča san ju to pitala pa je spod stola praćku znela i par kamečići dala. Lepo mi je to zgjedalo pa san zajno počela kamečići hitat. None san poneštru razbila, a ona se zajno razjadila. Počela mi j nona povedat kad su i oni bili deca da su se s ten igrali i dešpeti delali. Dobro smo se zismeli, nona je zajno znala da ću prit i jutra. Mene se to se jako pjažalo, pa san none kuću pretresla dokle starinsku pupu nisam našla. Nona je rekla da je tu pupu zame spravila.

      Da van još neč rečen. Mene su starinske igrački boje nego ove z kemi se danaska mi igramo, ke čuda šoldi koštaju. Mene se to se pjažalo. Tako sam ja saki dan hodila none, starinske igri navadila i z pupon povedala.