Osnovna škola Side Košutić Radoboj

Od mnoštva izvrsnih literarnih radova i kazivanja poezije žiri je imao puno posla prilikom odabira naboljih...

Tri rada odabrana su za županijsko natjecanje, a ostale pročitajte ovdje.

Jesen

Lepa jesen došla je k nam,

a lepo letje prešlo je mam.

Listje je več opale;

skupljaju si zalihe životinje male.

Oreh sim, oreh tam,

veverica več ne zna kam.

Laste su prešle put juga,

mori ih velika tuga.

Napuštaju kraj svoj,

koji bu navek moj i tvoj.

Babica čez obluk se to pazi

pa si premišla

i o živlenju razmišla:

se je prolazne, baš kak i jesen...

Alen Potočki, 6.a

Rože

Rože dišiju,

jutarnje rose ih miju.

Oko njih čele letiju,

kak deca rože bereju one glediju.

Od roži su buket napravili

i vu vazu ga dali.

Mati je vesela,

za decu poklone dela.

Jelena Sajko, 5.a

Nevihte

Veter zavija i fijuče

sim pa tam

 i tera ljude

vu njihove kuče.

Grane drijevlja njiše

i žalosnu sliku riše.

Listje naklu hiče

dok nebe se bljesiče.

Nevihte su jake,

a dežd dela mlake.

Nebe se lomi

i z njega sijevaju gromi.

                                                                     Maja Cerovečki, 7.b

Maček

Moj šari maček

si je k peči sel.

Rep je zavil

ke bu lješ prel.

Sedi, prede

i z mustači miga.

Kud miši bežiju,

njega ni briga.

Tak si bu

male počinul,

a onda bu nazaj

nekam zginul.

Maja Cerovečki, 7.b

Dreve

Jene dreve je svoje meste

kraj potoka našle

i tam se dobre snašle.

Njegve je listje negda tak zelene,

a negda pak žarke črljene.

Malji črni mravi po njem hodiju,

hranu si v svoju hižu nosiju.

Spod tog dreva ja voljim sedeti

i tak se pod soncem greti.

To dreve mi je drage jake

i jasne vam je valjda zake.

Tea Tušek, 7.b

Veter i ja

              Vetri imaju čovječju narav. Vsaki veter ima svoju čud kak i vsaki čovek. Vesela sam gda vetri pušeju; poslušam njihove popevke i gledim njihove norije.

            Veter je moj prijatel. Spominam se z njim, otkrivam mu svoje osečaje i tajne. Pripovedam mu sikakve priče o svojimi školskami zgodami. Posluša me, osetim kak mi se obrača, čujem njegov glas koji mi veli da morem z njim podeliti kaj mi leži na sercu, vse kaj me pritišče. Njegova blizina me veseli, gladi mi lice, nosi mi lasi tak da letiju po zraku... Gda me okruži, osetim trnce h telu. Pripoveda mi glasne, šuškanjem. Taj fakin gda puše, žukaljke se žukaju, grmi šumiju, dreva se njihaju kak da tancaju. Cvetje se naginje h jednu stran, njihove latice ih ostavljaju kak deca svoju mater i ideju na svoj put. Vrtiju se h zraku i senjaju da buju opet cvetje. Veter je za vse nevidljiv, ali za me on je kak čovek, on ima lice, ima osobine i osečaje. Kad jake puše, prejake, tak ke si babe trebaju svoje damske škrlake držati, onda je hud, negdo ga je naljutil, zel mu je one neke h njemu ke ga je držale srečnim. No, gdaj puše onak ugodne i liepe, znam da je srečen i onda sem i ja srečna. V očimi mi svetlli gda vidim da moj vetrek, moj prijatel, sloboden puše i kovitla se zrakem. Štela bi poleteti ž njim, vinuti se h zrak, i spružiti roke i biti slobodna. Štela bi z vetrekem i na kraj sveta leteti, videti pigvine i dupine. Štela bi videti kak na nekom pustomu otoku raznaša okolo zrnca peska, kak dela valove, nosi morje. Štela bi da se morem same opustiti i da me on ponese h daljine i visine. Veter i ja skup rasteme, furt se spominame o svim probljemima. Zrasla sem z njim, lukal me dok sem bila dete koje još ni razmele nič; on je onaj gdo me največ pozna, on zna se ke imam, se ke postoji. Veter je prešel celi svet, upoznal se ljude i živinu, saku travčicu i saku kapljicu.

            Vu očima ga vidim, h srcu ga nosim, nigdar ga nem pozabila, furt bu on z menu, poleg mene, furt bum z njim se spominala, jer on je meni najbolji prijatel, prijatel kakvega još nis mela. On bu celi život z menu, a jednega dneva bu me odnesel na drugi svet.    

                                                                  Kristina Košutić, 7. b