Osnovna škola Visoka Split

Naša je nakana da ovaj dil virtualnog svita vižitaju svi oni ča vole i štuju užance starega Splita. Načininili smo ga ponajviše radi naše dice kako bi na kantunima povisti trefili stari i novi veštit grada, konture, riči i običaje mista iz kojeg smo potekli.

A sad pinku o Splitu.

Bilo primaliće oli triskala bura, gorilo od vrućine cviće, more, ma goria kamen, uvik van je Split lip.

I moš bit i dišperan i idan šušur i vonji ovega grada ne dadu ti patit. Tisućlitna duša njegova isto ka da ne more izać vanka starih podruma, pa opet lebdi sve oko zvonika Dujina, priko vrija i Mosora i Kozjaka.

A judi ovega grada njegovo su tilo. Da kreneš nabrajat od starih Delmata, Grka, careva, kraljeva, poteštata, gospodara ovih i onih, puno bi vrimena trajalo... A kako i ne bi kad se grad rodia tri ijade i pete čin se car uselia. I sad mi se pari kako Dioklecijana kroz sparinu vidin di gleda je li mu reste kupus oli di banja trudne kosti, evo baš tamo, kraj stare funtane, di šesna dica trčidu za balunon.

Puno bi trajala štorija o Splitu, ma vo ću van reć: Živit baš tu pravi je fantažjun!

A i onima ća ovdi ne živu, grad in da neka mu pipnu bilo i napoju se iz njegova barila barenko pinku sriće.

Zdenka Biliškov, prof. povijesti

Stranicu uređuju učenice Tea Periša i Tea Šarengradac zajedno sa svojim profesoricama Ksenijom Perišić i Zdenkom Biliškov.

Krovna mapa za ovu stranicu nije postavljena, pa nema dokumenata za prikaz.