ČA sakudar okol nas
Čakavčići naše školi vavek su aktivni i čuda nastupaju va Općine Viškovo, ma i sagde drugde kade god ih ki zove.
Veselo je bilo i ovega decembra. Svojen nastupon čakavčići su uljepšali program povodon svečanega dočeka Mikuli i paljenja blagdanske rasvjeti pred svetomatejskun crekvun. Niko Ćuković i Nereo Nacinovich povedeli su ča je Vilija božja, a recital pod nazivon Božićni štajon predstavili su Julija Cetina, Zara Načinović, Moreno Srok, Patrik Host i Mateo Arapović. I ovo leto nastavila se je lepa suradnja z Udrugun umirovljeniki pul Matuj ki su po užance organizirali Čakavsku večer. Školani su razveselili penzioneri svojemi recitacijami, a Moreno Srok njin je i zasopal na triještinke, ča je publiku posebno razveselilo. Čakavčići su sudjelovali i na Humanitarnoj božićnoj revije Udrugi Halubajke Viškovo i ćutili su se štimano ča i oni moru bit velikega srca i pokazat da se dobrota i osjećaj za pomoć drugemu razvija od najmlaje dobi. Kraj ovega uspješnega 2023. leta zaokružili su z teplun božićnun školskun priredbun na koj smo videli da se va našoj škole voli i štima čakavski zajik.
Lepo je okol sebe imet decu ka ćute svoj kraj i vole domaću besedu. Zato ju i morete čut sakudar okol nas. Fotogalerija
Nina Dukić Srok, prof.
Pošalji prijatelju
| « Listopad 2024 » | ||||||
| Po | Ut | Sr | Če | Pe | Su | Ne |
| 30 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
| 4 | 5 | 6 | 7 | 8 | 9 | 10 |
